SANTIAGO DE COMPOSTELA, 28 Feb. (EUROPA PRESS) -
Un home resultou ferido na mañá deste sábado tras caer o vehículo que conducía á vía do tren na localidade lucense de Monforte.
Segundo informou a Central de Atención a Emerxencias 112-Galicia, o suceso aconteceu sobre as 6.40 horas deste sábado cando o home perdeu o control do vehículo que conducía nunha curva e se precipitou ás vías do tren dende a estrada N-120.
Ata o lugar do suceso desprazáronse efectivos de Adif e Renfe, Protección Civil de Monforte, Garda Civil de Tráfico e Bombeiros, así como unha ambulancia do 061, que trasladou ao condutor, único ocupante, a un centro sanitario.
Tras a caída, o vehículo foi parar a un dos lados da vía férrea, sen interromper o tráfico. Non obstante, como consecuencia do impacto, o quitamiedos da calzada si caeu sobre a vía e tivo que ser retirado.
