SANTIAGO DE COMPOSTELA, 21 Nov. (EUROPA PRESS) -
A Comunidade galega recibiu, ao longo dos primeiros 10 meses deste ano, máis de 920.000 turistas estranxeiros, o que supón un incremento do 20,3 por cento sobre o mesmo período de 2013.
Son datos de Frontur facilitados pola Xunta, que, a través dun comunicado remitido aos medios, destacou que estes números supoñen que Galicia logrou "un máximo histórico".
Así mesmo, detallou que os principais mercados internacionais en Galicia son Portugal (un 46% dos turistas estranxeiros) e Francia, co 15 por cento. Por detrás sitúase Reino Unido cun oito por cento do total.
En canto ao último mes, foron máis de 107.000 turistas estranxeiros cos que elixiron como destino principal Galicia, cifra que supón un aumento do 13,4 por cento sobre outubro do pasado ano.
Tamén constitúe "un máximo histórico", posto que por primeira vez no décimo mes do ano se supera a cifra dos 100.000 turistas.
