A CORUÑA, 23 Oct. (EUROPA PRESS) -
Axentes da patrulla da Comandancia de Protección á Natureza da Coruña (Pacrprona) abriu unha investigación a veciño de Miño (A Coruña) que mantiña a sete cans de caza en "pésimas condicións hixiénico-sanitarias".
En concreto, os animais atopábanse nunhas canceiras situadas no medio dun monte de Doroña, en Vilarmaior. Tres destes cans estaban "con extrema delgadez, sen que se lles proporcionase auga, alimentos e coidados necesarios".
Grazas á colaboración cidadá, púidose ter coñecemento dos feitos. Agora, remitíronse as dilixencias á Consellería de Medio Ambiente e á Fiscalía pola comisión dun suposto delito de malos tratos animais e varias infraccións administrativas.
Doutra banda, a Pacprona procedeu a denunciar a un veciño de Culleredo tras comprobar "o lamentable estado no que mantiña a un can na súa leira, ao que tampouco se lle proporcionaban os coidados e atencións necesarias".
Por estes feitos, remitíronse dilixencias á Consellería de Medio Ambiente e tamén ao Concello de Culleredo (A Coruña).
