A CORUÑA, 22 Sep. (EUROPA PRESS) -
O delegado do Goberno en Galicia, Samuel Juárez, manifestou que a Policía Xudicial espera "avances pronto" en relación ao asalto á casa rectoral de Padrón (A Coruña).
A preguntas dos xornalistas, coincidindo coa súa asistencia á inauguración do encontro 'A protección xurídica dos menores', manifestou que se están a efectuar "dilixencias" por parte da Policía Xudicial. "Creo que van dar o seu froito o antes posible", recalcou tamén Juárez.
Mentres, a Garda Civil continúa coas pescudas para localizar os autores do asalto, que se saldou co cura ferido e a súa asistenta falecida.
Os axentes localizaron o vehículo do cura da parroquia de Cruces, un Peugeot de cor branca, na que fuxiron os asaltantes da casa rectoral, situada na parroquia de Cruces, en Padrón.
