SANTIAGO DE COMPOSTELA, 28 Nov. (EUROPA PRESS) -
O litoral das provincias da Coruña e Pontevedra estará este venres, 28 de novembro, en alerta amarela por ondas de entre catro e cinco metros de altura e a montaña de Lugo e Ourense por ventos fortes.
Segundo o Boletín de tempo meteorolóxico publicado por MeteoGalicia, recollido por Europa Press, aínda durante as primeiras horas deste venres esperan ventos fortes do Sur-sueste nas zonas altas e no litoral atlántico.
Deste modo, a partir das 18,00 horas deste venres o aviso será amarelo no litoral da Coruña e Pontevedra por mar de fondo do noroeste con ondas de entre catro e cinco metros de altura.
Ademais, ata as 6,00 horas mantense aviso amarelo na montaña de Lugo e Ourense por vento do sur-sueste con momentos superiores aos 80 quilómetros por hora.