SANTIAGO DE COMPOSTELA, 18 Ene. (EUROPA PRESS) -
Un home faleceu en Cerdedo-Cotobade (Pontevedra) na tarde deste xoves ao caer por unha pendente o automóbil no que circulaba no lugar de Vilar, na parroquia de Figueiroa.
Segundo informa o 112 Galicia, un particular deu o aviso ás 16,15 horas para alertar de que atopara un coche accidentado cunha persona falecida no seu interior.
Acto seguido, foi mobilizado o helicóptero medicalizado con base en Ourense, á vez que foron avisados, entre outros, o GES da Estrada, Bombeiros do Deza, Protección Civil, Bombeiros de Pontevedra e Garda Civil de Tráfico.
Por outra banda, unha muller resultou ferida nun choque frontal en Paderne (A Coruña) sobre as 16,45 horas entre dous coches na N-651, á altura do punto quilométrico 8,100. A vítima foi trasladada a un centro hospitalario.
