A CORUÑA, 21 Oct. (EUROPA PRESS) -
A conselleira de Facenda, Elena Muñoz, manifestou que a Xunta "non traballa noutro escenario" que non sexa o de "cumprir o obxectivo do déficit" este ano, a preguntas dos xornalistas sobre as estimacións da Fundación de Estudios de Economía aplicada (Feada).
Segundo estas previsións, todas as comunidades autónomas, con excepción de Canarias e Navarra, incumprirán, previsiblemente, o obxectivo do déficit fixado para este ano.
A preguntas dos xornalistas, coincidindo coa súa asistencia a un xantar-coloquio organizado por BBVA para presentar o seu estudio sobre a situación económica en Galicia, Elena Muñoz dixo que as previsións de Feada "non son máis que estimacións".
"O que podo dicir é que Galicia non traballa noutro escenario que o de cumprir o obxectivo de déficit no ano 2014 como vén facendo durante todos os anos pasados". "Ese é o noso escenario e o noso obxectivo", sentenciou.
