SANTIAGO DE COMPOSTELA, 26 Ago. (EUROPA PRESS) -
Os encoros de abastecemento da Demarcación Hidrográfica atópanse ao 92,22 por cento da súa capacidade total, dez puntos por enriba con respecto a hai un ano, cando era do 81,54%. Pola súa banda, os encoros do Miño-Sil sitúanse no 67,5 por cento, unha cifra moi similar á de 2013.
Pola súa banda, os encoros de uso hidroeléctrico ou industrial atopan ao 73,02%, de maneira que, de media, e segundo a información hidrolóxica recollida o 25 de agosto nos 19 encoros de Galicia-Costa, as bacías desta cunca se atopan ao 74,79 por cento da súa capacidade, cun volume do 690,15 hectómetros cúbicos.
Así, en comparación cos datos recollidos hai un ano, a ocupación dos encoros incrementouse, tanto nas bacías de abastecemento, coma de uso industrial, cando a súa ocupación era do 81,54 por cento e do 68,86 por cento, respectivamente.
O encoro de abastecemento que conta con maior volume de auga almacenada é o de Pontillón de Castro, en Pontevedra --río Rons--, que está ao 100 por cento da súa capacidade.
No que se refire ás bacías destinadas a uso hidroeléctrico ou industrial, o encoro de Vilagudín é o que almacena a maior cantidade de auga, cun 95,51 por cento da súa ocupación total. Seguido deste encoro no río Veludio, está situado o encoro de Touro, no río Ulla, que ten unha ocupación do 90 por cento.
Do total de encoros, dez están destinados a uso industrial ou hidroeléctrico e nove a abastecemento: Cecebre, Eiras, Forcadas, Caldas de Reis, Zamáns, Pontillón do Castro, Baiona, Beche e Vilagaría.
