Foto: EP/XUNTA
av2" class="NormalTextoNoticia" itemprop="articleBody">
Rocío Mosquera recorda a importancia deste "xesto solidario" durante os meses estivais
SANTIAGO DE COMPOSTELA, 22 Ago. (EUROPA PRESS) -
Os hospitais galegos necesitarán, entre xuño e setembro, en torno a 40.000 doazóns de sangue para desenvolver axeitadamente o seu labor asistencial, tal e como destacou a conselleira de Sanidade, Rocío Mosquera, este venres.
Mosquera acudiu ás instalacións do Centro de Transfusión de Galicia (CTG) para doar sangue e invitou á cidadanía a participar activamente na campaña de doazón 'Verán 2014'.
Así mesmo, aproveitou para recordar a "vital importancia" da colaboración dos galegos con este "xesto solidario" os "365 días" do ano pero, "especialmente", durante o período estival.
Nesta liña, a titular de Sanidade manifestou que "resulta necesario" revitalizar o chamamento á participación activa da poboación nas campañas de doazón, xa que "está a experimentar un estancamento" nos últimos anos.
"FACILIDADES"
Neste sentido, remarcou as "facilidades" para doar sangue e destacou a existencia de locais de atención permanente ao doador situados nas sete cidades galegas, así como a presenza das "dez unidades móbiles" do CTG en "máis de 250 concellos" galegos durante os meses de verán.
Por último, a conselleira de Sanidade mostrou a súa "confianza na xenerosidade dos galegos" e mostrou o seu agradecemento cara aos "case 24.000 cidadáns" que doaron sangue "dende o inicio" da campaña.