Foto: EUROPA PRESS
av2" class="NormalTextoNoticia" itemprop="articleBody">
Non desvela se se presentará ás primarias para a alcaldía de Ourense e subliña que estará "onde considere o partido"
SANTIAGO DE COMPOSTELA, 14 Sep. (EUROPA PRESS) -
O deputado e anterior secretario xeral do PSdeG, Pachi Vázquez, cree que un imputado "arrastra un lastre moi grande", tanto para a propia persoa "coma para o partido", á hora de presentarse como candidato a unhas eleccións.
Así, nunha entrevista concedida á Cadena Ser este domingo, Vázquez recordou que serán os militantes os que decidan quen se presenta ás eleccións, tal como formulou o actual secretario xeral, José Ramón Besteiro.
Con todo, o deputado entende a situación da persoa afectada, porque pode "estar inxustamente imputada" e, ás veces, cando pasan as eleccións "se levanta a imputación". Aínda así, insistiu en que a imputación supón "un hándicap moi grande".
Preguntado pola posibilidade de presentarse como candidato ás primarias para a alcaldía de Ourense, Vázquez non quixo desvelar o seu futuro, e subliñou que "agora" lle toca estar no Parlamento.
"ONDE CONSIDERE O PARTIDO"
Pachi Vázquez afirmou que estará "onde considere o partido" que pode ser "útil", e remarcou que a formación estará "unida" para "revalidar a alcaldía de Ourense".
Así mesmo, defendeu o proceso de primarias como un instrumento que "achega participación e transparencia", e sinalou que as novas direccións do PSOE, tanto estatal como autonómica, "cumpren co requisito de renovación".
Cuestionado polo cruzamento de insultos vividos no último pleno do Parlamento, Vázquez culpou o presidente da Xunta, Alberto Núñez Feijóo, quen na súa opinión, é "un faltón".
Así, criticou que "non pode subir ao escano e insultar a todo o mundo", actitude que considerou de "faltón de taberna", porque é o primeiro e o último en falar e polo tanto "non lle "van replicar" e é unha "covardía".