SANTIAGO DE COMPOSTELA, 22 Oct. (EUROPA PRESS) -
O voceiro do PPdeG, Miguel Tellado, celebrou este mércores a recuperación da auxiliar de enfermaría galega Teresa Romero infectada co virus do ébola, tras as análises que ratifican que conseguiu superar a súa enfermidade, extremo que cualificou de "magnífica noticia".
Nunha rolda de prensa na sede autonómica da formación, Tellado trasladou á auxiliar a súa "felicitación e parabén" pola súa recuperación, ao tempo que destacou a súa "valentía" á hora de loitar contra esta enfermidade.
"Queremos felicitala a ela, á súa familia, ás súas amigas e a todo o equipo médico que a atendeu ao longo destes días e que contribuíu de forma decisiva a que puidese vencer á enfermidade", manifestou.
De feito, o voceiro popular, quen iniciou a rolda de prensa cunha mención expresa á recuperación da auxiliar, concluíu que o feito de que derrotara o ébola constitúe "unha magnífica noticia para todos os galegos, España e o PPdeG".
