SANTIAGO DE COMPOSTELA, 29 Oct. (EUROPA PRESS) -
Os bombeiros de Lugo rescataron este mércores unha muller que caeu nunha foxa no cemiterio municipal da cidade, segundo informa o 112.
A caída produciuse, segundo as mesmas fontes, "posiblemente" ao romper a lápida que estaba a limpar a muller, que se precipitou nun burato de entre tres e catro metros de profundidade.
Da foxa foi rescatada polos bombeiros e trasladada polos servizos sanitarios de urxencia. O centro de atención ás emerxencias recibiu a alerta ás 18,53 horas e solicitou a intervención dos efectivos de rescate do parque municipal e a Policía Local de Lugo.
