A comunidade galega está entre as que presenta unha menor penetración de xenéricos, cun 11,09%
MADRID/SANTIAGO, 13 Jun. (EUROPA PRESS) -
O sistema público inverte 259,62 euros en produtos farmacéuticos por cada habitante, un 3 por cento menos que o pasado ano (267,54 euros), segundo o estudio 'O Gasto Farmacéutico en España', do Strategic Research Center de EAE Business School, no que se analiza o gasto público e privado nesta área cunha especial atención á evolución dos produtos xenéricos, que en Galicia se sitúa en 332,26 euros por persoa.
Así, Galicia (332,26 euros), Extremadura con 322,36 euros, e Asturias con 317,01 euros son os que máis inverten neste apartado. Séguenlle Comunidade Valenciana (302,04), Aragón (290,65), Murcia (287,45), Castilla La Mancha (284,26), Castilla-León (283,35), La Rioja (172,17) e País Vasco (265,35).
Por debaixo da media atopan Cantabria (257,42), Canarias (253,15), Navarra (253,00), Cataluña (245,26), Andalucía (239,48), Madrid (199,49), Baleares (198,63) e as cidades autónomas de Ceuta (185,52) e Melilla (162,5).
Así, en datos totais, o gasto farmacéutico levado a cabo polo sector público descende dende os 12.506 millóns de euros en 2009 a 12.207 millóns de euros en 2010.
O informe destaca que en España máis do 70 por cento do gasto farmacéutico se canaliza a través do Sistema Nacional de Saúde (SNS); mentres as receitas representan o 19 por cento do total do gasto sanitario, aproximadamente o 1 por cento do PIB.
Así mesmo, mostra que, no último ano, a pesar de que o gasto farmacéutico en España en datos globais decreceu, hai comunidades nas que se incrementou. É o caso de Melilla cun incremento do 2,44 por cento; Murcia cun 1,93 por cento, Galicia con 0,66 por cento e Ceuta con 0,27 por cento.
Mentres que as comunidades con maior redución de gasto público foron: Canarias cunha diminución do 5,9 por cento; Cantabria cunha caída do 4,41 por cento e Aragón cun decrecemento do 4,43 por cento.
MENOR POBOACIÓN
Por outra parte, Andalucía, Cataluña, Comunidade Valenciana e Madrid aglutinan o 55 por cento do gasto público farmacéutico. Se ben, recordan que algúns dos motivos deste descenso son estruturais como a redución da poboación do 0,5 por cento en 2010 ou a diminución da renda per cápita.
A investigación realizada por EAE tamén considera que tiveron efecto o conxunto de medidas aprobadas polo Sistema Nacional de Saúde encamiñadas a reducir o custo medio por receita, "que coincidiron co cambio de modelo de financiamento e a alta penetración dos xenéricos", subliña José Ignacio Díaz, un dos investigadores do informe e profesor de EAE.
Tamén se reduciu o peso do gasto farmacéutico no peso do gasto total sanitario que pasou do ser do 24,20 por cento no ano 2003 ao 19 por cento no 2009. A pesar das reducións do gasto farmacéutico, a investigación alerta do crecemento do gasto sanitario.
En canto ao futuro, sinala que, tendo en conta os datos ofrecidos polo Ministerio de Sanidade, correspondentes ao primeiro trimestre de 2011, "aínda ofrecen un panorama de descenso máis acusado", xa que sinalan un descenso do 8,1 por cento no primeiro trimestre. Na súa opinión, "esta cifra é posible que se incremente debido ao impacto da actualización da nova lista de produtos baixo o sistema de prezos de referencia que entrou en vigor o 1 de Marzo de 2011".
OS XENÉRICOS, REDUCEN O GASTO
Segundo o informe, unha das causas da redución do gasto farmacéutico sitúase na penetración dos xenéricos que actualmente representan o 23,82 por cento das unidades de medicamentos vendidos (218.521.575 envases) e o 9,38 por cento da facturación de medicamentos en España.
En España os primeiros xenéricos introducíronse en 1997 e dende entón a súa cota de mercado seguiu aumentando ano tras ano, tanto en euros coma en unidades, se ben aínda se atopa lonxe do que acontece na maioría dos demais países europeos do ámbito.
Por comunidades autónomas, a penetración de xenéricos é dispar. En Andalucía, Madrid e Cataluña hai unha maior penetración de xenéricos cun 32,85 por cento (55.468.606), 29,82 por cento (30.502.337), e 28,54 por cento (40.831.361) respectivamente sobre o total.
Tamén por enriba da media se atopan Baleares cunha penetración do 30,28 por cento (4.958.028), a cidade autónoma de Melilla co 28,26 por cento (275.242 envases), Cantabria con 26,32 por cento (3.023.101), Castilla-León cun 25,98 por ciento(13.121.171) e Castilla-La Mancha cun 24,08 por cento (10.519.658).
Aquelas onde hai unha menor penetración son Galicia cun 11,09 por cento (6.988.520), Murcia cun 14,01 por cento (4.185.256) e Canarias cun 14,4 por cento (5.699.766) sobre o total de medicamentos vendidos na comunidade.
Séguelles a Comunidade Valenciana con 14,97 por cento (16.457.339), Aragón con 18,5 por cento (5.172.687), La Rioja con 18,56 (1.120.462), Asturias cun 18,89 por cento (4.566.910), Navarra co 19,08 por cento (2.225.885), Extremadura cunha cota do 19,24 (4.868.925), país Vasco co 20,02 do mercado (8.276.992) e a cidade autónoma de Ceuta cunha cota do 23,07 por cento e 259.329 envases.
"Pódese observar que comunidades con baixa penetración de xenéricos como Galicia, Extremadura, Murcia ou a Comunidade Valenciana presentan elevados consumos farmacéuticos por habitante, mentres outras con elevadas penetracións en xenéricos como Madrid, Andalucía, Baleares ou Cataluña presentan un gasto farmacéutico per cápita máis reducido", explica o estudio.
Por outra banda, o informe destaca positivamente que ata o 63 por cento dos xenéricos que se consumen no noso país, se fabrican en España e achegan 300 millóns de euros anuais.
Entre as conclusións, o informe destaca que a penetración de xenéricos recuperou forza despois de dous anos de estancamento, coincidindo o primeiro lugar, co agravamento da crise en España; coa aparición dos primeiros xenéricos de moléculas de grande consumo (atorvastatina e clopidogrel), e en terceiro lugar co estímulo á demanda producido pola baixada do 25% dos prezos.
Non obstante, engade, que "as diferenzas entre comunidades autónomas seguen sendo moi importantes e tamén a marxe de actuación neste sentido", o que ao seu entender esta tendencia "pode ter efectos moi serios sobre a industria farmacéutica tradicional".
