SANTIAGO DE COMPOSTELA, 28 Ene. (EUROPA PRESS) -
O voceiro nacional do BNG, Xavier Vence, reclamou ao presidente da Xunta, Alberto Núñez Feijóo, "accións que aposten por romper a corrupción" e que "non se parapete" detrás de medidas de futuro, como as anunciadas este martes no marco dunha comparecencia no Parlamento galego.
Aínda que o voceiro parlamentario do Bloque, Francisco Jorquera, non pechou a porta a dialogar sobre as medidas, a formación nacionalista insiste en que a comparecencia do mandatario autonómico era "simplemente unha cortina de fume" para tapar a corrupción do PP" e reclama que "aclare" os casos de corrupción que salpican ao seu partido e "actúe".
Neste sentido, invitou ao presidente da Xunta a que empece por "cesar" a todos os imputados en casos de corrupción e por que "cumpra" a lei de transparencia, aprobada na época do bipartito, actualmente en vigor. Feijóo anunciou unha nova normativa neste campo.
Por outro lado, Vence tamén incidiu en que "acabar coa corrupción é acabar cun goberno que non é capaz de atender a demanda" da xente que está enferma, como os afectados pola hepatite C. "É o primeiro acto de corrupción, esa é a peor e máis cruel das corrupcións", remachou.
