SANTIAGO DE COMPOSTELA, 30 Sep. (EUROPA PRESS) -
O Xulgado de Instrución número dous de Santiago ordenou o corte do cadro xeral da subministración eléctrica da liña que abastece o parque Pablo Iglesias, onde o 15 de setembro se produciu o falecemento de moza a causa dunha descarga, despois de que esta tocase un farol.
Segundo informou o concello nun comunicado, a Policía Nacional procedeu este martes a cumprir o mandato xudicial e cortar a liña, baixo a supervisión de técnicos municipais.
Esta medida producirá cortes na subministración eléctrica das rúas Branco Amor e Avenida de San Caetano, así como no propio parque, que permanece coa luz cortada dende o día do accidente.
O Concello de Santiago remitirá este mércores un escrito poñendo a disposición do xulgado para "acometer de inmediato as actuacións que determine e que permitan restablecer o servizo" coa maior brevidade", conclúe o comunicado.