SANTIAGO DE COMPOSTELA, 23 Oct. (EUROPA PRESS) -
A conselleira de Facenda, Elena Muñoz, destacou que "o traballo non está finalizado e hai que seguir traballando", pero os datos da enquisa de poboación activa (EPA) do terceiro trimestre "confirman en Galicia a recuperación do mercado laboral". "Agora si, podemos dicir que hai máis galegos traballando que hai un ano", aseverou.
Na súa intervención durante a clausura en Santiago da xornada da APD 'O sector financeiro en Galicia: Transformación e retos', Muñoz resaltou que a creación de emprego é "o grande obxectivo" da Xunta, tamén en 2015, para cando prevé que a comunidade cree emprego neto.
Ao respecto das cifras publicadas este xoves polo Instituto Nacional de Estatística (INE), a titular de Facenda chamou a atención sobre a devandita creación de emprego neto, que é a primeira vez que se produce dende 2008.
Así mesmo, a responsable autonómica valorou como "significativa" a baixada do número de parados, de 26.000 persoas, o que sitúa o total en 258.300. Neste sentido, recordou que as estimacións do seu departamento fixan no 20,1% a taxa de paro ao peche do ano que vén.
