Concedíos 217.000 euros n'ayudes pa emprestar servicios d'asesoramientu a 873 esplotaciones del sector llacteu

   UVIÉU, 17 Nov. (EUROPA PRESS) -

   La Conseyería de Mediu Rural y Política Agraria concedió 217.000 euros n'ayudes pa emprestar servicios d'asesoramientu a 873 esplotaciones productores de lleche de bovín, ovín y caprinu. El Boletín Oficial del Principáu (Bopa) publica esti llunes la resolución d'estes subvenciones, que van ser xestionaes poles cooperatives SAT Central Llechera Asturiana y Campoastur Productos y Servicios.

   Los servicios que van cubrise con esta convocatoria son el funcionamientu del equipu de cato: 389 esplotaciones; el funcionamientu del tanque de refrigeración: 385 tanques; la eficiencia enerxética: 443 esplotaciones y l'automatización del cato robotizado: 8 esplotaciones.

   Amás cúbrense tamién los servicios de pruebes diagnóstiques pa la detección de xermes causantes de mamitis y la so sensibilidá a los antimicrobianos y analítiques pa determinar la calidá del agua.

   Debío a la importancia de la producción llactea n'Asturies y la so repercusión na cadena alimentaria, el Gobiernu d'Asturies sofita actuaciones que dexen ameyorar los sistemes de producción de les esplotaciones per práctiques sostenibles pal bienestar animal, el curiáu del mediu ambiente y la medría de la rentabilidá de les empreses.

   Los detalles de la resolución del Bopa puen consultase nel siguiente enllaz https://tinyurl.com/yuu3d8mm