Darren Aronofsky dirixirá'l videoclip de Metallica y Lou Reed

ANTON CORBIJN/WWW.LOUREEDMETALLICA.COM

LOS ANXELES, 4 de Payares (EUROPA PRESS)

A les semeyes promocionales que realizó'l prestixosu Anton Corbijn añádese agora otru fichaxe de luxu de cara al estrenu del primera videoclip de 'Lulu', el trabayu conxuntu de la banda de metal y l'antiguu líder de The Velvet Underground.

Según informa 'Billboard', va ser el director nomináu al Oscar polos sos trabayos en 'Cisne Negro' y 'The Wrestler' el que s'encargue de grabar, na bahía de San Francisco'l primer videoclip de 'Lulu', col tema 'Iced Honey'.

Pal batería y fundador de Metallica Lars Ulrich, trabayar con Darren Aronofsky ye, igual que facelo con Lou Reed ,"un suañu fechu realidá" y ún d'esos capítulos na so vida de los que nunca olvidará.

"Como si facer un discu con Lou Reed nun fuera abondo, agora consigo faigo un videu con Darren Aronofsky, que tuvo ente los mios directores favoritos dende la so primer película, 'Pi'", señala Ulrich nun comunicáu.

Na mesma llinia, Lou Reed declaró que Pi alcuéntrase tamién ente les sos películes favorites y qu'espera que'l videoclip d'Aronofsky pa Loutallica seya "el so próximu 'Cine Negru'".

Pel momentu y mientres Aronofsky escueye ubicación, el director yá decidió contar con Matthew Libatique, ún de los sos collaboradores habituales en toles sos películes, como director de fotografía.

'Lulu' salió a la venta'l 31 d'ochobre.