UVIÉU, 30 Sep. (EUROPA PRESS) -
El Centru Niemeyer, n'Avilés, acueye la esposición 'La imaxe, lo tapecío', del artista riosellano Pablo Casanueva. Trátase d'un proyectu nel que la fotografía y el cine funcionen como ferramientes pa restaurar la memoria, según espliquen dende'l complexu cultural.
Podrá visitase hasta'l domingu 2 de payares nel Edificiu Polivalente del centru cultural avilesín, n'horariu de llunes a domingu, de 10.30 a 14.30 y de 15.30 a 19.30 hores.
"Decidí entamar un viaxe al traviés de les fotografíes y documentos que la mio madre guardaba. Topé munches respuestes reparando les imaxes que se caltuvieren, mirando nos aviesos, les notes tachaes, les feches y firmes y tratando d'ordenar y poner nome les cares d'eses persones que para mi yeren totalmente desconocíes, pero conocía un filu familiar-xenéticu que me conectaba con elles de forma intensa", esplica Casanueva.
La esposición sigue la investigación del artista sobro los percorríos políticos de la so familia, Los Luna, nun procesu que combina arquivos públicos, documentos personales y restos visuales. Nesta reconstrucción remanecen el mieu como abelugu, el duelu como radiografía del dolor y l'esperanza como compromisu políticu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
