La feria del llibru d'Uviéu va celebrase na cai con actividaes poétiques pol centenariu d'Ángel González

Archivo - El voceru d'IX-Convocatoria per Uviéu, Gaspar Llamazares.
EUROPA PRESS - Archivo
Europa Press Asturias
Publicado: lunes, 19 mayo 2025 13:59
@epasturias

   UVIÉU, 19 May. (EUROPA PRESS) -

   El voceru d'IX-Convocatoria per Uviéu nel Conceyu, Gaspar Llamazares, amosóse esti llunes satisfechu con que la celebración de la feria del llibru 'LibrOviedo 2025' sía nes cais de la ciudá y cunte con actividaes centraes na poesía, nel marcu del homenaxe al poeta uvieín Ángel González.

   "Sacar la feria a la cai ye averar la cultura y la lliteratura a los vecinos d'Uviéu, como asina se fai nel restu de feries significatives; salir a atopase con llectores y llectores. Amás, doble prestu coles actividaes poétiques previstes en LibrOviedo con motivu del centenariu d'Ángel González. Ellí vamos tar sofitando la so celebración", manifestó.

   IX-Convocatoria por Uviéu propunxo va meses al equipu de gobiernu dedicar l'añu cultural al poeta Ángel González y "atrevese a desafiar a los elementos sacando a la cai la Feria de LIbrOviedo", y fíxolo al pie de l'Asociación de Llibreros y Llibreres.

   Por ello, considera que l'anunciu de la Conceyalía de Cultura d'una nueva edición, esta vegada na cai y con actividaes centraes na poesía, nel marcu del homenaxe del centenariu de la nacencia del eximio y universal del poeta uvieín Ángel González, ye "una bien bona noticia".