UVIÉU, 18 Feb. (EUROPA PRESS) -
L'acusáu de violar a una moza, entós menor d'edá, nes fiestes d'El Carmín de La Pola en xunetu de 2018 negó esti martes los fechos de los que-y acusen y anque reconoció que caltuvo relaciones sexuales cola víctima aseguró que "foron consentíes".
Asina lo indicó'l so lletráu, Francisco del Gallego, al acabar la vista que se celebró a puerta zarrada na Sección Segunda de l'Audiencia. El casu quedó vistu pa sentencia.
El lletráu, que pide la llibre absolución del so veceru, esplicó que l'informe del equipu psicosocial del xulgáu "nun da credibilidá al testimoniu de la víctima al considerar que'l so rellatu nun ye consistente y amás la moza nun presenta'l perfil de víctima xenuina".
Per otru llau, la víctima, que declaró protexía por un biombu, caltuvo la so versión de los fechos. Asina, n'escuchando a les partes tanto la fiscalía como l'acusación particular caltienen el so pidimientu de seis años de prisión.
L'abogada de l'acusación, Ana María González incidió en que los informes sicolóxicos ellaboraos polos peritos del Centru d'Atención a Víctimes d'Agresiones Sexuales y Malos Tratos, CAVASYM, si dan credibilidá a la víctima.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
