L'Asociación Cultural Vetusta organiza n'Uviéu el recital 'Hestoria del Pop. Una hestoria de muyeres'

VETUSTA

   UVIÉU, 12 Mar. (EUROPA PRESS) -

   Esti vienres l'Asociación Cultural Vetusta entama un recital sobro la hestoria de les muyeres na música. Col títulu 'Hestoria del Pop. Una hestoria de muyeres' va combinar les interpretaciones musicales de dellos cantares cola narración sobro les mesmes, trazando un filu qu'enllaz el papel de la muyer nel pop dende les pioneres hasta l'actualidá.

   L'actu súmase a les reivindicaciones de les feches cercanes al 8 de marzu con una perspectiva dende la música pop pa reflexonar, conocer y disfrutar de los cantares y de les muyeres que llucharon pel so espaciu dientro de la hestoria de la música.

   La narración va tar al cargu de Lucía Falcón (vocal de la Xunta Directiva de la nuesa entidá), xestora y mediadora cultural, y l'interpretación de los temes sedrá xera de Paula San Martín (integrante del dúo 'Virginia & the Wolf'), doctora en Xéneru y Diversidá pola Universidá d'Uviéu y lligada al movimientu y la llucha feminista, formando parte de la Federación de Muyeres Xóvenes.

   L'actu, que sedrá nel salón d'actos de la Casa del Pueblu d'Uviéu (Cai Xovellanos, 19) va empezar a les 19.30 hores y dempués va haber un pinchéu de confraternización. Pídese confirmación d'asistencia acutando plaza nel mail asociacionculturalvetusta@gmail.com y sedrá entrada llibre con taquilla inversa pa donación voluntaria pa l'artista.