L'exconseyeru d'Industria d'Asturies Enrique Fernández, presidente nuevu d'Hunosa

MADRID 31 Ene. (EUROPA PRESS) -

El conseyu d'alministración d'Hunosa nomó a Enrique Fernández presidente de la compañía, a propuesta de la Sociedá Estatal de Participaciones Industriales (SEPI), qu'anunció'l nomamientu esti miércoles.

Asina, Enrique Fernández sustitúi a Gregorio Rabanal, que tuvo al mandu de la compañía dende 2018, y con un mandatu nel que se firmó'l Plan d'Empresa 2019-2027' col qu'Hunosa encara'l so compromisu cola descarbonización y "la transición enerxética xusta"

Fernández ocupaba hasta agora una portavocía na Comisión d'Industria y Turismu del Senáu, y de 2019 a 2023 ostentó'l cargu de conseyeru d'Industria, Empléu y Promoción Económica del Gobiernu del Principáu d'Asturies. Tamién foi diputáu na Xunta Xeneral.

Amás, foi alcalde de Samartín del Rei Aurelio ente 2011 y 2019, y dende 2015 trabayó como miembru del Conseyu Territorial de la Federación Española de Conceyos y Provincies (FEMP), y miembru del conseyu de gobiernu de la rede de conceyos pola tresparencia de la federación.

Enrique Fernández ye llicenciáu n'Alministración y Dirección d'Empreses pola Universidá d'Uviéu, onde tamién se doctoró con un premiu estraordinariu, y exerció como profesor d'Economía Financiera nel departamentu d'Alministración d'Empreses ente 1997 y 2011.