UVIÉU, 22 Feb. (EUROPA PRESS) -
La presidenta del PP asturianu, Mercedes Fernández, llamentó que les interferencies" dende la FSA dirixida por Adrián Barbon puedan "causar perxuicios" nel Gobiernu d'Asturies, "como les qu'hubo nos alcuerdos presupuestarios".
Al traviés d'unes declaraciones distribuíes pol so partíu, Fernández indicó que'l PP tien que rellacionase con un Gobiernu que tien que responder al interés xeneral, "que ye'l que lidera Javier Fernández".
Sicasí, indicó que dende'l so partíu llamenten qu'haya "interferencies" dende la dirección socialista nueva que puedan causar "perxuicios" nel Gobiernu d'Asturies. "Toi refiriendo a les interferencies qu'hubo n'alcuerdos presupuestarios", señaló.
Por eso, indicó que "nun ta escritu nenyures" qu'a partir del 31 d'avientu nun pueda siguir falando de presupuestos y que'l PP "vuelve tender la mano al Gobiernu asturianu parllegar a un alcuerdu presupuestariu". "Val más tener un presupuestu 9 o 10 meses que 12 de prorroga", señaló.
Nesi sentíu, señaló que 2019 ye un añu electoral, "polo qu'habría una prórroga de la prórroga y Asturies resiéntese". Asina, incidió na necesidá de qu'Asturies tenga un presupuestu anguaño y indicó que dende'l PP "nun vamos facer un calculu partidariu o partidista, queremos qu'haya presupuestu porque ye bono pa los asturianos".
"Güei mesmu celebramos que Javier Fernández busque aliances con otres comunidaes coles que compartimos problemes comunes, pero articular aliances esternes y dexar de llau alcuerdos internos nun ye mui intelixente nin bono pa la nuestra comunidá", afirmó.
Andalucía
