Movilidá axudica la redacción del estudiu d'alternatives p'ameyorar la protección del puertu de L'Arena

   UVIÉU, 12 Mar. (EUROPA PRESS) -

   El Gobiernu d'Asturies axudicó en 55.169 la redacción del estudiu d'alternatives y d'impactu ambiental p'ameyorar la protección del puertu de L'Arena, en Soto del Barco, a la Unión Temporal d'Empreses (UTE) formada por Acadar, Tecnoambiente y San Juan del Sable, que dispón d'un plazu d'execución de seis meses.

   El proyectu, que busca amenorgar la entrada de sedimentos y reforzar la operatividad y seguridá de les instalaciones y embarcaciones, va recoyer les alternatives técniques y ambientales pa construyir nueves infraestructures que protexan el puertu y dexen amenorgar el volume y frecuencia de los dragaos. La dársena cunta agora con un pantalán flotante atenuador del aguaxe como únicu elementu de protección.

   Según informó esti xueves el Gobiernu asturianu al traviés d'una nota de prensa, el puertu de L'Arena, allugáu na marxe derecha de la desaguada del ríu Nalón, ye una de les árees protexíes pola Rede Natura 2000, polo que toles actuaciones na redolada tienen de cumplir coles preceptives normatives medioambientales.

   L'estudiu va analizar les condiciones de contorna, tanto físiques como medioambientales, que condicionen el funcionamientu del puertu pa definir una configuración portuaria que resuelva los problemes y cumpla tolos condicionantes medioambientales riquíos.