La Plataforma Fábrica de Gas y Ideas llamen a los uvieinos a concentrase'l día 1 en defensa d'esti espaciu

UVIÉU, 25 Nov. (EUROPA PRESS) -

La Plataforma Fábrica de Gas y Ideas fixo esti vienres un llamamientu a la ciudadanía a concentrase'l día 1, a les 19.00 énte a la nave de la Popular Ovetense pa protexer esti espaciu histórico-industrial, énte la "perda importante del patrimoniu industrial irremplazable y únicu pa Uviéu" y esixir que "polo menos se cumpla la llei de patrimoniu".

Dende la Plataforma, Felipe Díaz Miranda indicó que foi una "nefasta xestión municipal" la que fixo qu'Uviéu pierda la posibilidá de tener una pieza esceicional del so patrimoniu industrial de cara al futuru y la única fábrica de gas completa que quedaba n'España que "con un módicu y razonable preciu podía habese llográu".

Sicasí, Díaz Miranda como parte positiva manifestó que'l Conseyu de Patrimoniu indicó que va esixir un estudiu pormenorizáu de les pieces a valtar, les que se van a caltener y pide amás dar un pasu más col edificiu de la Popular Ovetense evitando que pueda valtase na so totalidá y polo menos quede la fachada.

"Tamién se pide un estudiu arqueolóxicu del terrén y too eso ye positivo", indicó esti miembru de la plataforma que tamién destacó'l llabor de los técnicos d'infraestructures del Conceyu que son los qu'obliguen a llevar al Conseyu de Patrimoniu'l proyectu.