Profesores y estudiantes d'asturianu encadénense en Madrid pa esixir la especialidá docente

   UVIÉU, 30 Mar. (EUROPA PRESS) -

   Docentes, estudiantes, families y representantes sindicales y políticos concéntrarónse esti llunes frente al Ministeriu d'Educación, Formación Profesional y Deportes en Madrid pa esixir la reconocencia de la especialidá docente de llingua asturiana, una reivindicación que se caltién dende fái más de 40 años. La protesta, organizada por ADAE, incluyó cartelos cola fecha de los cursos dende 1984, visibilizando la precariedá del profesorado ensin especialidá.

   A les 12.30 los participanets ficieron un encadenamientu simbólicu y entregaron un escritu empobináu a la ministra d'Educación. L'Asociación de Docentes d'Asturianu y Eonaviego esplicó la protesta produzse porque'l Ministeriu caltién la so postura de nun modificar los reales decretos que regulen les especialidaes docentes.

   Esta situación, espliquen, conderga a los 332 docentes qu'enseñen llingua asturiana y gallego-asturianu a la interinidá perpetua, al nun poder aportar a una plaza fixa per aciu concursu-oposición.

   L'asignatura, optativa, forma parte del currículu según la LOMLOE, y el profesoráu cunta cola mesma formación acreditada pola ANECA y realiza les mesmes funciones que'l restu del profesoráu, tal y como recordó ADAE.