UVIÉU 9 Ago. (EUROPA PRESS) -
La Conseyería de Salú activó esti vienres el nivel d'alerta 3 (riesgu máximu) del Plan Nacional d'Actuaciones Preventives de los Efectos de los Escesos de Temperatura sobro la Salú 2024 énte les previsiones de l'Axencia Estatal de Meteoroloxía (Aemet), que pronostica que nos próximos díes van llegar temperatures superiores a los 35 graos en delles zones del Principáu.
Les autoridaes sanitaries aconseyen a la ciudadanía protexese de les radiaciones solares, hidratase y que s'evite el consumu de bebides alcohóliques. Amás, insisten na importancia de curiar de la población más vulnerable al calor, esto ye, quien sufren enfermedaes cróniques o trabayen al aire llibre, y neños.
Nuna nota de prensa, Salú tamién aconseyó que se caltengan en fríu los alimentos, yá que col calor aumenta'l riesgu d'infecciones alimentaries.
La Dirección Xeneral de Salú Pública yá unvió a los centros sanitarios, a la Conseyería de Derechos Sociales y Bienestar y a la Federación Asturiana de Conceyos (FACC) la documentación, qu'inclúi recomendaciones sanitaries énte esta situación d'altes temperatures.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
