La Sociedá Bíblica va grabar una llectura dramatizada del Nuevu Testamentu n'asturianu

Europa Press Asturias
Actualizado: miércoles, 10 mayo 2023 14:59
Seguir en

UVIÉU, 10 May. (EUROPA PRESS) -

La Sociedá Bíblica va facer una grabación d'audiu dramatizáu del Nuevu Testamentu n'asturianu. Nesi sentíu, la entidá busca voluntarios que quieran poner la so voz a disposición del proyectu.

Por esta razón, según indicaron al traviés de nota de prensa, faen un llamáu a toles persones interesaes en participar nesta iniciativa, pa qu'unvien una grabación de voz cola llectura del Capítulu 1 del Evanxeliu de San Xuan n'asturianu --edición del 2021-- enantes del 25 de mayu d'anguaño al corréu electrónicu: lafevieneporeloir@sociedadbiblica.org

A partir del 25 de mayu, la Sociedá Bíblica va ponese en contactu colos escoyíos pa organizar la grabación, que va facese dende'l 5 de xunu. A tolos participantes va dáse-yos les orientaciones necesaries p'asegurar la calidá y coherencia de la grabación.

"L'oxetivu d'esti proyectu ye llevar la palabra de Dios a tolos requexos de la comunidá asturiana y facela accesible a aquellos que nun son a lleela por sigo mesmos. Por eso, fainos falta la to ayuda y la to voz pa llevar a cabu esti proyectu", indicaron dende la Sociedá Bíblica.

Contenido patrocinado