Uviéu va impulsar un concursu d'idees pal futuru de la Fábrica d'Armes de la Vega

   UVIÉU, 20 Ene. (EUROPA PRESS) -

   El Conceyu d'Uviéu va impulsar un concursu d'idees pa decidir el futuru de la Fábrica d'Armes de La Vega. El conceyal de Proyectos Estratéxicos, Ignacio Cuesta, considera qu'esti espaciu tien abonda entidá como pa que pueda ser oxetu d'un concursu d'idees onde arquitectos o inxenieros del máximu prestíu y relevancia puedan treslladar los sos meyores propuestes.

   L'edil fixo estes declaraciones tres de la primer xunta de lacomisión de siguimientu del conveniu sobre'l futuru de La Vega, na que participaron tamién el director xeneral d'Ordenación de Territoriu, Ignacio Ruiz Latierro, y la directora xeneral de Patrimoniu, Cecila Cachero, amás de representantes del Ministeriu de Defensa.

   Nesta xunta aprobóse'l cronograma d'actuaciones presentáu pol Conceyu. Cuesta aseguró que se va a recuperar de manera efectiva la Vega, un espaciu que va volver a tener actividá en bien poco tiempu.

   Una vegada superáu'l concursu d'idees, que tendrá de sirvir pa recibir propuestes qu'integren el complexu na ciudá, la intención del Conceyu ye avanzar na fase de planiamientu, cola conformanza d'un plan especial o un cambéu puntual del Plan Xeneral d'Ordenación.

   L'edil destacó'l clima de collaboración y el consensu total de toles alministraciones implicaes nel futuru de La Vega.

   Al respeuto de los trabayos arqueolóxicos na cortil pa comprobar si hai muertes nel sosuelu, Cuesta esplicó que l'informe que yá esiste recueye que nun hai evidencies de restos arqueolóxicos pero tamién qu'hai zones específiques nes que va ser necesario afondar pa refugar per completu esti estremu.

   Pela so parte, la directora xeneral de Patrimoniu esplicó que'l Principáu va collaborar de manera proactiva dientro de les sos posibilidaes nel desenvolvimientu urbanísticu, tal qu'establez el conveniu.