Venezuela y Cuba constitúin una empresa pa esplotar crudu y gas

Reuters

CARACAS, 22 d'Abril (EUROPA PRESS)

Venezuela y Cuba firmaron un acuerdu pa crear un empresa mista que se va dedicar a la busca y esplotación de xacimientos de gas y petroleu nel norte venezolanu mientres los próximos 25 años, informó esti miércoles nun comunicáu la estatal Petróleos de Venezuela (PDVSA).

PDVSA, al traviés de la filial Corporación Venezolana del Petroleu (CVP), robló cola empresa petrolera cubana Comercial Cupet el contratu que manda la constitución y alministración d'una empresa mista destinada a la esploración y producción de petroleu y gas nes árees xeográfiques Adas, Lido, Llimón y Oficina Central, asitiaes al sur de los estaos Anzoátegui y Monagas, señala'l comunicáu.

La compañía resultante constituyóse col nome de Petrolera Vencupet, y va participala nun 60 por cientu CVP y nun 40 por cientu CUPET. El so plan de desarrollu contempla actividaes primaries d'esploración nel área delimitada en busca de xacimientos de crudu y l'estracción de petróleu y gas natural asociáu, según la recueya, el tresporte y l'almacenamientu d'estos combustibles.

"Esta alianza naz en correspondencia colos derechos que'l Gobiernu cubanu otorgó pa esplorar y desarrollar bloques asitiaos n'agües territoriales cubanes estremeres col Golfu de Méxicu", detalló Pdvsa. "Cola constitución d'esta empresa conxunta fortalezse la cooperación enerxética ente la República Bolivariana de Venezuela y la República de Cuba, al traviés del desarrollu d'importantes reserves d'hidrocarburos, asitiaes en suelos venezolanos", añadió.