EAEko esportazioak 2.162 milioi eurokoak izan dira urtarrilean eta %4,5 gutxitu dira

BILBO 23 (EUROPA PRESS)

Euskal Autonomia Erkidegoko (EAE) ondasunen esportazioek 2.162,3 milioi euroko balioa izan dute urtarrilean, 2025eko hilabete berean 2.264,0 milioi eurokoa izan zuten bitartean, hau da, %4,5 jaitsi dira. Produktu energetikoen esportazioak %169,3 handitu dira, eta produktu ez-energetikoenak %6,8 murriztu, Eustat euskal estatistika erakundearen datuen arabera.

EAEko urtarrileko merkataritza saldoa positiboa izan da, 113,2 milioi euro ingurukoa, eta esportazioen eta inportazioen arteko erlazioa neurtzen duen estaldura tasa, asdiz, %105,5ekoa.

Frantzia (335,7 milioi euro), Alemania (317,7 milioi euro) eta Erresuma Batua (183,7 milioi euro) kokatu dira urtarrilean sailkapen esportatzailearen buruan.

Lurralde historikoei begiratuta, urtarrileko esportazioak %18,4 murriztu dira Araban eta %2,7 Gipuzkoan; Bizkaian, aitzitik, esportazioak %7,3 handitu dira.

Bestalde, EAEko ondasunen inportazioak %6,1 jaitsi dira urte artean urtarrilean, produktu energetikoen inportazioek behera egin dutelako (-%34,1), produktu ez-energetikoenak %2,6 handitu baitira.

EAEk urtarrilean egindako inportazio gehienak Alemaniatik (297,9 milioi euro), Frantziatik (165,4 milioi euro) eta Txinatik (159,0 milioi euro) egin dira.

Azkenik, lurralde historikoka, inportazioak %16,1 handitu dira urtarrilean Araban; aitzitik, Bizkaian %14,1 murriztu dira, eta Gipuzkoan %10,0.