Euskotrenek Gipuzkoako autobus zerbitzua aldatuko du abenduaren 24, 25 eta 31n eta urtarrilaren 1ean

Europa Press País Vasco
Publicado: miércoles, 22 diciembre 2021 12:55
Seguir en

DONOSTIA 22 Dic. (EUROPA PRESS) -

Euskotren enpresa publikoak aldaketak egingo ditu Gipuzkoako Lurraldebus autobus zerbitzuan abenduaren 24an, 25ean eta 31n eta urtarrilaren 1ean, Gabon gaua, Eguberri, Urtezahar eta Urte berri ospakizunak direla eta.

Horrela, ordutegia abenduaren 24ko eta 31ko gauetara egokitzeko asmoz, Euskotrenek autobus zerbitzuen amaiera aurreratuko du. Halaber, zerbitzu murriztua eskainiko da goizez abenduaren 25ean eta urtarrilaren 1ean, eta eguerdian eten egingo da. Autobus zerbitzuak arratsaldean zehar normalizatzen joango dira.

Zehazki, Euskotrenek jakinarazi duenez, Lurraldebus sistemarako kudeatzen dituen Gipuzkoako linea hauei eragingo diete aldaketek: DB01 Eibar-Elgeta, DB02 Ermua-Donostia (AP-8), DB03 Lekeitio-Donostia (AP-8), DB04 Mallabia-Ondarroa, DB05 Ondarroa-Zumaia, DB06 Soraluze-Ondarroa, UK07 Zumaia-Aizarnazabal-Zestoa, UK08 Zarautz-Aia-Orio, UK09 Zumaia-Donostia (N-634), UK10 Zumaia-Donostia (AP-8 Zarauztik) eta UK11 Zumaia-Donostia (AP-8 Oriotik).

Contenido patrocinado