Osakidetzak 10 asistentzia eman behar izan ditu karabela portugaldarraren ziztadengatik euskal kostaldean

BILBO 14 (EUROPA PRESS)

Eusko Jaurlaritzako Osasun Sailak ostiral honetan eman ditu ezagutzera euskal kostaldean karabela portugaldarren ziztadengatik emandako asistentziak. Datu hauek astelehenetik ostegunera emandako larrialdi jarduerak dira.

Astelehenean, ez zen asistentziarik egon Osakidetzako Larrialdien aldetik. Baina beste egun guztietan gutxienez arreta bat egon da eta bi egunetan bat baino gehiago.

Asteartean, abuztuaren 11an, lau pertsona artatu behar izan zituzten Bizkaiko hondartza desberdinetan. Bakioko hondartzan bederatzi urteko neska bat artatu eta anbulantzian eraman behar izan zuten osasun zentrora. Aritzatxuko hondartzan (Bermeo) 56 urteko gizonezkoa artatu eta anbulantzian Galdakao-Usansoloko Ospitalera eraman zuten. Ondoren, Gurutzetako Ospitalera eraman zuten anbulantzian. Aritzatxuko hondartzan (Bermeo) 20 urteko gizona hondartza berean artatua izan zen. Azkenekoa, Armintzako hondartzan (Lemoiz) 13 urteko nerabe bat, hondartzan artatu eta Urdulizko Ospitalera eraman zuten anbulantzian.

Asteazkenean (abuztuaren 12an), bost pertsonek ziztada jaso zuten Bizkaian. Ereagako hondartzan (Getxo) 31 urteko gizon bat artatu eta Urdulizko Ospitalera eraman zuten anbulantzian. Lastron hondartzan (Zierbena) 31 urteko gizona hondartzan artatu zuten. Meñakoz hondartzan (Elexalde) 30 urteko gizona hondartzan artatu zuten eta bere kabuz joan zen Osasun Zentrora. Atxabiribil hondartzan (Sopela) bi ziztada egon ziren, zortzi urteko neskatoa bertan artatu zuten eta 59 urteko gizonak orkatilan ziztada jaso zuen, argibideak eskatzeko deitu zuen eta bere kabuz joan zen osasun zentrora.

Azkenik, ostegunean asistentzia bakarra eman zuen Osakidetzak Gipuzkoan. Debako hondartzan 12 urteko neskato bat hondartzan lagundu eta anbulantziaz Mendaroko Ospitalera eraman zuten.