BILBO, 18 (EUROPA PRESS)
Bizkaiko Foru Aldundiak bultzatutako XII. Bizkaia Torneoko finala jokatuko dute 18:30ean Bizkaia Pilotalekuan Sollube eta Oiz taldeek. Agirrek 4 t'erdian, Artola-Albisuk binaka, eta Bakaikoak buruz buru Sollube ordezkatuko dute. Eta Oizen aldetik, P. Etxeberriak jokatuko du 4 t'erdian, Elordi-Zabaletak binaka, eta Salaberriak buruz buru. ETB1etik zuzenean jarraitu ahal izango da.
Diputazioak jakinarazi duenez, XII. Bizkaia Txapelketa, maiatzaren 31n Orozkon hasi eta Larrabetzu, Durango eta Bilbon jokatu dute. Guztira 24 pilotarik parte hartu duten Bizkaia Torneoa da taldeka jokatzen den bakarra.
Sei taldek Bizkaiko beste horrenbeste menditatik hartzen dute izena: Oiz, Anboto, Kolitza, Ganekogorta, Sollube eta Gorbeia. Bestalde, hiru espezialitatetan jokatzen den lehiaketa bakarra ere bada: banakakoa, binakakoa eta lau t'erdikoa.
Bizkaia Torneoaren hamabigarren edizio honetan Artola, Larrazabal, Urrutikoetxea, Altuna III, Elordi, P. Etxeberria, Agirre, Jaka, Peña II, Bakaikoa, Senar, Ezkurdia, Zabala, Egiguren V, Salaberria, Mariezkurrena II, Albisu, Zabaleta, Iztueta, Rezusta, Dario, Eskiroz, Aldabe eta Martija pilotariek hartu dute parte.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
