LUGO, 8 Abr. (EUROPA PRESS) -

O policlínico Lucense (Polusa) é pioneiro na implantación en Galicia dunha nova técnica para o tratamento de varices sen necesidade de pasar polo quirófano.

Esta modalidade foi presentada esta mañá ante a prensa polo director deste hospital de Lugo, Justo Jorge, o director médico, Jaime Torres, e o cirurxián vascular que a puxo en marcha, Luis Franco, os que explicaron que dende hai máis dun ano se vén aplicando esta técnica que se leva a cabo na consulta, por medio dunhas inxeccións nas veas guiadas por un ecógrafo.

Luis Franco destacou o "novidoso" desta práctica que se denomina "esclerose por escuma" e que se basea nunha "inxección no interior das veas dunha escuma que ten como misión fibrosar ou selar os cordóns venosos que son as varices". Esta "alternativa" á cirurxía permite que o paciente poida "irse camiñando" á súa casa, coa única "incomodidade" dunha media elástica.

Este médico concretou que o número de sesións "varía", aínda que cunha "ou dous poden ser suficientes". Non obstante, apresurouse en matizar que "non é aplicable a todo o mundo".

Durante todo o tempo en que se usou esta técnica pioneira en Galicia, se beneficiaron do tratamento sobre cincuenta persoas, sobre todo empregouse nas patoloxías "máis graves", de úlceras e varices grandes.

Franco precisou que esta patoloxía afecta no conxunto do Estado a máis da metade da poboación de máis de cincuenta anos, sobre todo mulleres "por razóns hormonais e embarazos".