SANTIAGO DE COMPOSTELA, 2 May. (EUROPA PRESS) -

A Consellería de Innovación premiará con 5.000 euros o mellor traballo xornalísticos de divulgación científica ou tecnolóxica e con 2.300 o segundo, segundo a convocatoria da sexta edición deste galardón que publica hoxe o Diario Oficial de Galicia (DOG).

O Premio de Xornalismo Científico Galicia Innovación pretende incentivar a produción de textos xornalísticos especializados en materia científica, investigación e desenvolvemento. Poden optar a este os profesionais que publicaran algún contido destes ámbitos nun medio de comunicación galego entre o 1 de abril de 2007 ao 2 de xullo de 2008, día no que remata o prazo de presentación.

Para avaliar os proxectos terase en conta a súa adecuación temática ao obxecto do premio, a calidade xornalísticas, o rigor científicos e a repercusión social do asunto tratado.

Ademais, valorarase que contribúan á difusión da importancia do potencial das mulleres no ámbito da investigación e das medidas de igualdade que é necesario implantar, así como que estean realizados en lingua galega.

O xurado estará formado polo director xeral de I+D+i, Salustiano Mato, que exercerá como presidente, e por cinco vogais designados entre expertos nos campos académico e profesional da comunicación e da ciencia.

A presentación dos traballos presenta nesta edición a novidade de que pode facerse completamente telemática. As persoas que desexen participar deben realizar a súa solicitude en liña a través dos formularios que atopan na páxina web da Consellería de Innovación.

Unha vez cuberto se a persoa solicitante dispón dun certificado dixital pode facer a presentación por vía telemática. No caso contrario, debe presentar a documentación no rexistro da Dirección Xeral de I+D+i.