SANTIAGO DE COMPOSTELA, 19 Jul. (EUROPA PRESS) -
A Consellería de Innovación e Industria achegou á empresa Level Telecom unha axuda que ascendeu a un total de 168.259 euros no ano 2007 para o deseño dun sistema de predición, alerta e mitigación das condicións meteorolóxicas adversas nas estradas.
Segundo informou hoxe o departamento autonómico nun comunicado de prensa, este sistema baséase no uso de modelos heurísticos e métodos de intelixencia artificial para mellorar as condicións e avisar en tempo real os responsables de mantemento da vía.
En concreto, unha das primeiras aplicacións deste sistema de Level Telecom será a de evitar a formación de placas de xeo en zonas sombrías ou escuras da estrada mediante a aspersión dunha disolución salina.
Deste modo, todos os datos do modelo serán procesados por un sistema de avanzado de control e análise que trasmita a información en tempo real a un sistema con carácter autónomo que evite a formación de placas e garanta así a seguridade viaria.
Ademais da Xunta de Galicia, a Universidade de Santiago de Compostela colabora no proxecto a través do Laboratorio de Sistemas do Instituto do Instituto de Investigacións Tecnolóxicas.