Incautada a maior partida de MDMA en Galicia nun centro de subministración de droga sintética en Ordes (A Coruña)

A CORUÑA, 14 Ago. (EUROPA PRESS) -

A Garda Civil desmantelou un un importante punto de distribución de drogas sintéticas en Ordes (A Coruña) e incautado unha das maiores partidas de MDMA dos últimos anos en Galicia. Enconcreto, xunto a 20.000 euros en efectivo, 1.320 pastillas.

Foi no marco da Operación Mixturas e nunha actuación que culminou coa detención dunha persona e a incautación dunha das maiores partidas de MDMA e MDA dos últimos anos en Galicia, neutralizando un centro de subministración que abastecía ás comarcas de Ordes e Santiago.

A investigación iniciouse grazas á colaboración cidadá, que alertou dunha inusual trasfega de vehículos e a presenza de cheiros compatibles co cultivo de marihuana nunha vivenda unifamiliar. Após establecer un dispositivo de vixilancia, os axentes constataron un fluxo continuo de entradas e saídas rápidas de persoas, un patrón característico de transaccións de drogas.

A persona investigada tomaba medidas de contravixiancia, cambiando as súas rutas para evitar ser detectada. O rexistro xudicial, autorizado polo Xulgado de Primeira Instancia e Instrución número 2 de Ordes, levouse a cabo o 11 de agosto.

Na vivenda, os axentes localizaron e incautaron unha gran cantidade de sustancias estupefacientes como 1.320 pastillas de MDMA (MDA variante), equivalentes a 783 gramos; 390 comprimidos de Viagra ilícita; 53 pastillas e 13,18 gramos en po de anfetamina; 100 gramos de haxix, 2 gramos de LSD e 20 gramos de marihuana. Tamén 1,3 quilos de cogomelos alucinógenas e 78 gramos de fungos secos.

Ademais das drogas, desmantelouse un sistema de cultivo interior con 35 plantas de cannabis e incautáronse 25 litros de líquidos precursores para a fabricación de drogas de sínteses. "Esta loxística evidencia a capacidade do punto para unha subministración constante", remarca a Garda Civil.

Durante o operativo, os axentes interviñeron 20.000 euros en efectivo e varias armas prohibidas, incluíndo un puño americano, un machete e dous dispositivos tipo táser. Tamén se descubriu unha conexión ilegal á rede eléctrica para abastecer o cultivo interior.

O operativo foi desenvolvido conxuntamente polo Posto de Ordes, o Equipo ROCA de Santiago de Compostela, Compañía de Santiago e o Posto de Sigueiro, coa colaboración da Policía Local de Ordes.

"Nunha soa actuación, se aprehendieron 1.320 pastillas de MDMA, unha cifra que por si soa supera o total de pastillas incautadas en toda a comunidade autónoma de Galicia durante 2024 (280 gramos), segundo datos oficiais", remarca a Garda Civil que subliña que supón "neutralizar un importante punto de distribución que abastecía de forma sistemática á provincia da Coruña".

O detido, que se enfronta a cargos por tráfico de drogas, branqueo de capitais, tenencia de medicamentos sen autorización, cultivo de drogas e defraudación de fluído eléctrico, foi posto a disposición xudicial, decretándose após iso o seu ingreso en prisión.