SANTIAGO DE COMPOSTELA, 21 Ago. (EUROPA PRESS) -
O delegado do Goberno en Galicia, Pedro Blanco, cualificou de "incomprensible" a decisión da Xunta de retirar de Ourense aos bombeiros da Coruña e Lugo mentres pide "máis medios" ao Goberno central.
"Quero pensar que non atende a estratexias partidistas ou á incompetencia, pero o certo é que Galicia non pode permitirse ningunha cousa nin a outra. Agora, o que se necesita é coordinación, responsabilidade e, sobre todo, rigor na xestión", sinalou este xoves durante a súa visita á comarca de Valdeorras.
Alí, Pedro Blanco trasladou "todo o apoio" do Goberno central ás persoas que sofren a consecuencia destes "terribles incendios".
Neste sentido, lembrou que o Consello de Ministros que se celebrará o vindeiro martes aprobará a declaración de zona afectada por unha emerxencia de protección civil das áreas afectadas polos incendios.
Así mesmo, asegurou que o Executivo central mantén en Galicia un despregamento de medios "sen precedentes" e continúa traballando na loita contra os incendios.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
