O PSdeG urxe a Rueda a dar datos sobre cribados de cancro: "Se non quere é porque non se está facendo ben"

A CORUÑA 24 Oct. (EUROPA PRESS) -

O secretario xeral do PSdeG, José Ramón Gómez Besteiro, emprazou ao presidente da Xunta, Alfonso Rueda, a colaborar co Ministerio de Sanidade e facilitar os datos sobre cribados de cancro.

A preguntas dos xornalistas, nun acto en A Coruña para valorar os orzamentos autonómicos de 2026, aseverou que non entende a posición en contra de facilitar os mesmos. "Se é verdade que os teñen, cal é o inconveniente, non comprendo por que Rueda non quere facilitar eses datos, se un está a facer as cousas ou ben ou mellor que ben, como di".

Para o dirixente socialista, esta postura evidencia que "empezan a estar preocupados porque seguramente non están a facer as cousas como deberían". "Onde xestiona o PP, a sanidade pública debilítase", recalcou.

Na mesma liña, e xa sobre a condonación da débeda ás autonomías expostas polo Goberno, insistiu en que a mesma permitiría aforrar a Galicia en 2026 "620 millóns de euros". "E o PP veña e dálle que non queren aceptar, que explique como é malo que se perdoe parte da débeda".

Cuestionado sobre a AP-9 e a súa transferncia, rexeitou que os socialistas estean encontra diso, pero insistiu en que "non implica gratuidade", que cualificou como algo "prioritario".

"Que diga Rueda que se asume a titularidade da AP-9 temos garantida a gratuidade", expuxo para recalcar que os socialistas galegos "defendemos a titularidade, pero priorizamos a gratuidade". "Os que falan de transferir son os que nos impuxeron esa laxa, nós defendemos a gratuidade e cremos que a podemos conseguir agora", engadiu.