Recoñecen o dereito de insonorización de 16 vivendas do ámbito do aeroporto de Vigo

SANTIAGO DE COMPOSTELA 10 Mar. (EUROPA PRESS) -

A Comisión de Seguimento do Plan de Illamento Acústico do Aeroporto de Vigo constatou "a necesidade de actuacións" de insonorización nun total de 16 vivendas tras realizar unha primeira fase medicións acústicas nos inmobles do ámbito do aeroporto.

Así o acordou a Comisión nunha reunión na que participaron representantes do Ministerio de Agricultura, Alimentación e Medio Ambiente; a Consellería de Medio Ambiente, Territorio e Infraestruturas; os concellos de Redondela, Mos e Vigo; así como Aena Aeropuertos.

O Ministerio de Fomento avanzou que a Oficina de Xestión do Plan de Illamento Acústico solicitará os interesado a presentación do correspondente proxecto e presuposto de illamento acústico para que, posteriormente, se poidan levar a cabo as actuacións de insonorización axeitadas.

Así mesmo, a Comisión deu a conformidade á inclusión de 81 vivendas no devandito Plan que, estando dentro do censo actual, se verificou que cumpren os requisitos. Desta forma, o censo actual total de vivendas do Plan de Illamento Acústico do Aeroporto é de 492.

En concreto, o censo actual de vivendas incluídas no Plan de Illamento Acústico do Aeroporto de Vigo inclúe un total 493 vivendas con dereito a solicitar a insonorización, das que 151 están situadas no termo municipal de Redondela, 339 vivendas en Mos e dous en Vigo.