SANTIAGO DE COMPOSTELA, 19 Nov. (EUROPA PRESS) -
O presidente da Xunta, Alfonso Rueda, trasladou o seu pesar pola morte do escritor e pensador nacionalista Xosé Luís Méndez Ferrín, que faleceu esta madrugada aos 88 anos de idade.
Nunha mensaxe na rede social 'X', o titular do Goberno galego enviou o seu "máis sentido pésame" para a familia e seres queridos do que fóra tamén presidente da Real Academia Galega (RAG) entre 2010 e 2013.
"A obra de Xosé Luís Méndez Ferrín xa forma parte da historia das nosas letras", subliñou Alfonso Rueda dunha figura que deixa obras chave da literatura galega como 'Con pólvora e magnolias' (1976) e que foi proposto en varias ocasiones como candidato ao Premio Nobel.