O verán comezará ás 4.42 horas da madrugada do sábado e durará 93,65 días

   SANTIAGO DE COMPOSTELA, 19 Jun. (EUROPA PRESS) -

   O verán comezará na madrugada do venres ao sábado, concretamente ás 4.42 horas, e durará 93,65 días. Así, en próximas xornadas "haberá a maior diferenza entre o día e a noite, con máis de 16 horas de luz nesta latitude", tal e como explicou o coordinador científico do Observatorio Astronómico Ramón María Aller, José Ángel Docobo.

   Segundo trasladou a Universidade de Santiago de Compostela (USC) nunha nota de prensa, Docobo explicou que "debido a que o tempo oficial non se mide con respecto ao Sol senón que, usando o chamado Sol medio, xa foi o 15 de xuño cando o Sol saíu antes e será o 27 de xuño cando máis tarde teña lugar a posta de sol".

   A estación prolongarase ata as 20.19 horas do 22 de setembro, de maneira que os 93,65 días fan que o verán boreal sexa a estación máis longa do catro.

   En canto aos fenómenos do verán, a choiva de estrelas Perseidas producirase a noite do 12 ao 13 de agosto, coincidindo coa Lúa case chea. Isto, advertiu Docobo "vai afectar á visión dos meteoros durante a noite, aínda que se poderán observar os máis brillantes".

   Xa en setembro, o día 7, terá lugar unha eclipse total da Lúa, cuxa fase total non se chegará a ver desde a parte occidental de Galicia.

   Así mesmo, o director científico do Observatorio valorou que no plano meteorolóxico, a última primavera terminou con 49 días de precipitación, "pode considerarse semellante á de 2024, dentro da normalidade".