La flota de baxura d'Asturies descarta'l paru convocáu de magar del día 30 pola escalada de precios del gasoleu

Actualizado: miércoles, 28 mayo 2008 17:02

UVIÉU, 28 de Mayu (EUROPA PRESS)

La flota de baxura d'Asturies descarta'l paru que foi convocáu de magar el viernes 30, a nivel nacional, pa protestar pola escalada de los precios del gasoleu, según informó'l presidente de la Federación de Cofradíes d'Asturies, Dimas Garcia. El representantes de la flota asturiana insistió en que'l paru tien d'afeutar a la totalidá de les flotes y recordó que la de baxura ta nesti momentu nún de los momentos de mayor actividá.

García realizó estes manifestaciones tres aconceyase con representantes de les flotes del Cantábricu y del Noroeste en Xixón. Al conceyu fueron representanes de les cofradíes gallegues, cántabres y de Guipúzcoa y Vizcaya. Según Dimas García, nenguna de les flotes del cantábricu van secundar los paros.

Nel conceyu de güei s'abordó, amás, la posición de la flota española en rellación al posible llevantamientu de la veda del bocarte nel caladeru del Golfu de Vizcaya. Nesti sen, los pescadores del Noroeste y del Cantábricu acordaron reclamar unes contrapartíes a la flota francesa a cambiu d'incrementar les sos cuotes.

Nesti momentu, a la flota francesa correspuénde-y por llei una cuota del 10 por cientu. Les embarcaciones españoles diben tar dispuestes a incrementar esta cuota sobre un cinco por cientu a cambiu, d'ente otres coses, establecer turnos pa torgar que dambes coincidan trabayando nel caladeru. Dambes flotes van caltener un alcuentru a mediaos de xunu pa esponer les sos posiciones enantes del conceyu nel que van decidise'l llevantamientu o non de la veda.

Asturianu ofrecido por