UVIÉU, 18 Abr. (EUROPA PRESS) -
El conseyeru de Presidencia y Participación Ciudadana, Guillermo Martínez, afirmó esti miércoles que'l Gobiernu asturianu nun va participar na manifestación pola oficialidá del asturianu, que se va celebrar esti sábadu n'Uviéu. La llende del Gobiernu Socialista, dixo, "ta nel cumplimientu del programa electoral".
Preguntáu polos periodistes na rueda de prensa posterior al Conseyu de Gobiernu sobre esti asuntu, Martínez esplicó que'l Gobiernu "yá se pronunció en repitíes ocasiones" sobre l'asturianu. Asina, dixo que la so acción básase nel cumplimientu del programa.
Sobre l'asistencia d'UXT a la manifestación, Martínez señaló que'l Gobiernu "respeta les decisiones que de forma autónoma adopten les organizaciones sindicales". El Principáu, per otru llau, "tien un compromisu cola ciudadanía al traviés del cumplimientu del programa electoral".
