Algaire presenta la so collaboración con Ahez, representantes de Francia n'Eurovisión 2022

UVIÉU 31 Ene. (EUROPA PRESS) -

El grupu asturianu Algaire presentó'l videoclip del cantar 'Llume', onde collaboren col tríu bretón Ahez, que xunto'l cantante y músicu Alvan representaron a Francia n'Eurovisión 2022, en Turín (Italia), col cantar en bretón 'Fulenn'.

Algaire ta formáu Carla Miranda, Iratxe Espina y Loreto Suárez --voz y percusión tradicional asturiana--, y Juan Yagüe --guitarra--, qu'ufren una visión propia de la música tradicional asturiana dende una perspectiva actual y contemporánea.

El grupu ye una de les revelaciones de la música asturiana nel 2022. Asina, nel Festival de Lorient llevaron el premiu Loic Rais al meyor grupu y tamién recibieron el Premiu Camaretá al meyor cantar del añu qu'entrega'l Gobiernu d'Asturies.

El cantar 'Llume' ta incluyíu nel so primer discu, 'Coral y Maera' y nesta versión nueva pal videoclip, que yá ta en YouTube, canten n'asturianu y bretón acompañaes del tríu bretón Ahez, formaú por Marine Lavigne, Sterenn Diridollou y Sterenn Le Guillou.

El tema, con lletra de Luis Ángel Fernández y Algaire, fala d'una historia d'amor inspirada nos temes tradicionales asturianos y nel videoclip conviértese nuna reivindicación de los derechos del colectivu LGTBI, amás de les llingües y cultures del Arcu Atlánticu.