UVIÉU, 3 Dic. (EUROPA PRESS) -
La incidencia de gripe n'Asturies doblóse nuna selmana. Si va siete díes la incidencia yera de 37,4 casos por 100.000 habitantes, esta selmana alzóse hasa los 63,4 casos por 100.000 habitantes.
Los datos apurriólos la conseyera de Salú del Gobiernu asturianu, Concepción Saavedra, nuna rueda de prensa ufiertada n'Uviéu, a preguntes de los periodistes. El picu espérase pa dientro de dos selmanes, en plenes navidaes.
La dirixente rexonal, sicasí, matizó qu'el subtipu K, que tenía una tresmisión más elevada, estabilizóse, de forma que'l gripe habitual vuelve tar a la cabeza de los virus respiratorios.
Dende la Conseyería de Salú, Saavedra encamentó la vacunación como'l meyor métodu preventivu frente al gripe. Coles mesmes, recordó les midíes preventives, la ventilación, la hixene de manes o l'espirriar nel güecu del coldu.
Tamién aportunó nel encamientu del usu del mázcaru. Sobremanera cuando tamos con población vulnerable o en centros sanitarios, sociosanitarios o en farmacies, indicó.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
