AV.- La Unesco reconoz la cultura sidrera como Patrimoniu Cultural Inmaterial de la Humanidá

UVIÉU 4 Dic. (EUROPA PRESS) -

La cultura sidrera, coles sos práctiques sociales, rituales y festives, amás de les tradiciones orales, paisaxes culturales y oficios tradicionales, yá ye Patrimoniu Cultural Inmaterial de la Humanidá.

Esti reconocimientu aprobóse esti miércoles na 19 sesión del Comité Intergubernamental pa la salvaguarda del Patrimoniu Cultural Inmaterial, que se desenvuelve hasta'l 7 de setiembre n'Asunción, Paraguai.

La conseyera de Cultura, Política Llingüística y Deporte, Vanessa Gutiérrez, y l'embaxador español na Unesco, Miguel Iceta, acompañaron a la delegación española, coordinada pol Ministeriu de Cultura, na defensa de la candidatura asturiana.

Esta iniciativa, impulsada pol Gobiernu del Principáu, cuenta tamién col apoyu de dellos conceyos, instituciones públiques y privaes, y centros asturianos nel esterior.

El procesu pa que la cultura sidrera fuera reconocida mundialmente empezó en 2014, cuando'l Principáu la declaró Bien d'Interés Cultural y principió colos trámites pa la so inclusión na Llista de Partrimoniu Cultural Inmaterial.

Amás, del procesu d'ellaboración --dende'l plantíu de los 'pumares' hasta'l 'corcháu' y la so comercialización--, la cultura sidrera inclúi manifestaciones artístiques --que van dende cantares de chigre hasta cuadros o escultures--, amás de rituales y normes internes escrites y non escrites. Per otru llau, la figura del escanciador ye ún de los principales iconos de la cultura asturiana.

(((VA HABER AMPLIACIÓN)))