Cultura convoca ayudes pa proyeutos y medios n'asturianu y eonaviegu

   UVIÉU, 21 Ene. (EUROPA PRESS) -

   La Conseyería de Cultura, Política Llingüística y Deporte llanzó esti miércoles dos llinies de subvenciones pa impulsar la normalización social del asturianu y del eonaviegu, con una dotación global de 230.000 euros. El plazu de presentación de solicitúes ye de 20 díes hábiles en dambos casos, colo que va rematar el 17 de febreru.

    La primer llinia d'ayudes cunta con un presupuestu de 120.000 euros y diríxese a empreses privaes, fundaciones y asociaciones que desenvuelvan proyeutos d'interés cultural, llingüísticu o social n'asturianu o eonaviegu. D'esta cuantía, 70.000 euros destínense a proyectos promovíos por empreses y 50.000, a iniciatives d'entidaes ensín ánimu d'arriquecimientu. La resolución de les ayudes pue consultase nel Boletín Oficial del Principáu (Bopa).

   Ente los criterios de valoración figuren la corrección llingüística, l'interés cultural y social, la capacidá d'espardimientu, la esperiencia de les persones responsables, la innovación, la perspectiva de xéneru y l'enraigono nel mediu rural.

   La segunda convocatoria, dotada con 110.000 euros, ta dirixida a empreses de prensa, radio, televisión o medios dixitales d'ámbitu asturianu.

    Estos fondos van financiar inversiones destinaes a la producción de conteníos n'asturianu o eonaviegu que contribuyan al so usu habitual n'informaciones xenerales, espacios periódicos o programes d'especial interés, siempre dientro de les canales propies del mediu y asumíos editorialmente por esti.

    Van poder optar a estes ayudes empreses con casa social, establecimientu o delegación n'Asturies. La convocatoria pue consultase nel siguiente enllaz: miprincipado.asturias.es